भारतको उत्तर प्रदेशस्थित राम मन्दिरमा चोरी तथा भक्तजनले चढाएको प्रसाद र बहुमूल्य दान सामग्रीको दुरुपयोग गरेको आरोपमा मन्दिरका कर्मचारीसहित आ...
भारतको उत्तर प्रदेशस्थित राम मन्दिरमा चोरी तथा भक्तजनले चढाएको प्रसाद र बहुमूल्य दान सामग्रीको दुरुपयोग गरेको आरोपमा मन्दिरका कर्मचारीसहित आठ जनालाई पक्राउ गरिएको छ।
भारतीय प्रहरीले बिहीबार जारी गरेको विज्ञप्तिअनुसार चन्दा तथा दान सामग्रीको व्यवस्थापनमा अनियमितता भएको आरोपमा आठ जनाविरुद्ध आपराधिक मुद्दा दर्ता गरिएको हो। पक्राउ परेकामध्ये अधिकांश मन्दिरमा भक्तजनले चढाएको नगद, सुन, चाँदी तथा अन्य बहुमूल्य वस्तुको गणना र व्यवस्थापनमा संलग्न रहेको बताइएको छ।
भारतीय सञ्चारमाध्यमहरूले उक्त घटनामा दुई करोड अमेरिकी डलरभन्दा बढी रकम बराबरको हिनामिना भएको आशंका व्यक्त गरेका छन्। पक्राउ परेकामाथि आपराधिक विश्वासघात, चोरी, आपराधिक षड्यन्त्र तथा भ्रष्टाचारसम्बन्धी आरोप लगाइएको प्रहरीले जनाएको छ।
उत्तर प्रदेशका मुख्यमन्त्री योगी आदित्यनाथले घटनाको छानबिनका लागि विशेष अनुसन्धान टोली (एसआईटी) गठन गरेको र दोषी जोसुकै भए पनि कानुनी कारबाहीबाट उम्किन नदिने प्रतिबद्धता व्यक्त गरेका छन्।
COMMENTS