बाराको जीतपुरसिमरा उपमहानगरपालिका अन्तर्गत डुमरवाना-बडहर्वा सडकखण्डमा भएको सवारी दुर्घटनामा एक सेवानिवृत्त शिक्षकको ज्यान गएको छ। मृत्यु हुन...
बाराको जीतपुरसिमरा उपमहानगरपालिका अन्तर्गत डुमरवाना-बडहर्वा सडकखण्डमा भएको सवारी दुर्घटनामा एक सेवानिवृत्त शिक्षकको ज्यान गएको छ।
मृत्यु हुनेमा रौतहटको संग्रामपुर घर भई हाल जीतपुरसिमरा-२ मा बसोबास गर्दै आएका ६१ वर्षीय केदारप्रसाद शर्मा रहेका छन्।
प्रहरीका अनुसार शर्माले चलाएको प्र.०२-०३-००७ प २३४१ नम्बरको मोटरसाइकल डुमरवानाबाट बडहर्वातर्फ जाँदै गर्दा सोही दिशाबाट गुडिरहेको ना ७ त ५२२६ नम्बरको ट्याक्टरले ठक्कर दिएको थियो। ठक्करपछि मोटरसाइकल अनियन्त्रित भई विपरीत दिशाबाट आइरहेको प्र.०२-०३-००१ त नम्बरको अर्को ट्याक्टरमा ठोक्किएको थियो।
दुर्घटनामा गम्भीर घाइते भएका शर्मालाई उपचारका लागि वीरगन्जस्थित मेडिसिटी अस्पताल लगिएको थियो। तर उपचारकै क्रममा उनको मृत्यु भएको जिल्ला प्रहरी कार्यालय बाराका निमित्त सूचना अधिकारी तथा प्रहरी निरीक्षक सुरेश भट्टले जानकारी दिएका छन्।घटनाबारे प्रहरीले थप अनुसन्धान अघि बढाएको जनाएको छ।
COMMENTS